8 апрель куни ижтимоий тармоқларда Қашқадарё вилояти, Қарши тумани ҳудудидаги сув қувури устидан ҳаракатланиб ўтган Spark русумли транспорт воситаси тасвирланган видеолавҳа тарқалди.
Ўзбекистон Республикаси ИИВ ЙҲХББ Ахборот хизматининг маълум қилишича, ушбу автомашина ҳайдовчиси, фуқаро Ж.А.га нисбатан Ўзбекистон Республикаси Маъмурий жавобгарлик тўғрисидаги Кодекснинг 128-5-моддаси 2-қисмига кўра баённома тузилиб, 2.230.000 сўм жарима белгиланди.
Келгусида бошқа ҳайдовчилар ҳам ўз саломатлигини хавф остига қўймасликлари мақсадида ушбу қувур усти туман ИИБ ЙҲХБ ходимлари томонидан тўсиб қўйилди.
