Соғлиқни сақлаш вазирлигининг хабарига кўра, пойтахтдаги Эпидемиология, микробиология ва юқумли касалликлари илмий-текшириш институти клиникасида илк бор коронавирус инфекциясига чалинган 10 нафар бемор буткул соғайди.
Уларнинг 3 нафари эркак, 7 нафари аёллар. Беморлардан икки нафари чартер рейс орқали Туркиядан Тошкентга келган. Қолган саккиз нафари коронавирусга чалинганлар билан мулоқотда бўлиб, инфекцияни юқтириб олган. Улар орасида энг ёши каттаси 62 ва энг ёши кичиги 5 ёшда.
Соғайганлар Республика ихтисослаштирилган терапия ва тиббий реабилитация илмий-амалий тиббиёт марказига юборилган.
Ҳозирги вақтга қадар Ўзбекистонда коронавирус инфекциясидан соғайганлар сони 99 нафарга етди.
