Соғлиқни сақлаш вазирлигининг хабарига кўра, Вирусология илмий-текшириш институти клиникасида коронавирус инфекциясига чалинган беморлардан яна 8 нафари буткул соғайди.
Беморларнинг 4 нафари эркак, 4 нафари аёллар. Улардан 2 нафари Туркиядан, 1 нафари Россиядан чартер рейс билан келган. Қолган 5 нафари коронавирусга чалинганлар билан мулоқотда бўлиб, инфекцияни юқтириб олган. Уларнинг орасида энг каттаси 51, энг кичиги 10 ёшда.
Соғайган фуқаролар Республика ихтисослаштирилган терапия ва тиббий реабилитация илмий-амалий тиббиёт марказига жўнатилган.
Ҳозирги вақтга қадар Ўзбекистонда коронавирус инфекциясидан соғайганлар сони 107 нафарга етди.
