Соғлиқни сақлаш вазирлиги матбуот хизматининг хабарига кўра, Қашқадарё, Бухоро, Самарқанд, Хоразм, Фарғона, Андижон вилоятлари ва Тошкент шаҳрида 79 нафар фуқароларимиз коронавирус инфекциясидан бутунлай соғайиб, соғлиқни сақлаш бошқармаси масъуллари иштирокида реабилитацияга кузатилди.
Уларнинг энг ёши каттаси 81 ёшда бўлса, энг ёши кичиги 4 ёш.
Реабилитацияга кузатилган беморлар орасида мамлакатимизнинг турли ҳудудларида истиқомат қилувчи фуқаролар, шунингдек, Қирғизистон Республикасининг 2 нафар фуқароси ҳам бор.
Шундай қилиб, бугун 79 нафар бемор тузалиб, мамлакатимиз бўйлаб коронавирус инфекциясидан бутунлай соғайганлар 1212 нафарни ташкил этмоқда.
Эслатиб ўтамиз, айни пайтда юртимизда коронавирус аниқланганлар сони 2086 нафарни ташкил қилиб, соғайган ва вафот этганлардан ташқари, жами 865 нафар бемор даволанмоқда.
