Соғлиқни сақлаш вазирлиги матбуот хизматининг хабарларига кўра, 3 май куни мобайнида Ўзбекистоннинг 5та ҳудудидан умумий ҳисобда 48 нафар фуқароларимиз коронавирус инфекциясидан бутунлай соғайиб, масъуллар иштирокида реабилитацияга кузатилди.
Жумладан, Тошкент шаҳридаги 3-сонли туғруқ мажмуасидан соғайиб чиққан 2 ҳомиладор аёл Тошкент шаҳридан бўлиб, бири 27 ёшда, яна бири 24 ёшда. Улар коронавирус инфекциясига чалинганлар билан мулоқотда бўлиб, касалликни юқтириб олган. Айни пайтда уларнинг ҳомиласи ривожланмоқда.
Беморларнинг энг ёши каттаси 49 ёшда бўлса, энг ёши кичиги 8 ёш.
Мамлакатимиз бўйлаб коронавирус инфекциясидан бутунлай соғайганлар сони 1319 нафарни ташкил этмоқда.
