“Тошкент шаҳридаги Британия менежмент университетини ташкил этиш тўғрисида” Ҳукумат қарори қабул қилинди. Бу ҳақидаги хабар Адлия вазирлигининг расмий каналида эълон қилинди.
Университетда ўқитиш Ўзбекистонда амалда мавжуд таълим шакллари ҳамда инглиз тилида тўлов-контракт асосида амалга оширилади.
Университетда дастлабки босқичда қуйидаги бакалавриат таълим йўналишлари бўйича талабалар қабул қилинади:
– “Лойиҳаларни бошқариш”;
– “Логистика ва етказиб бериш занжирларини бошқариш”;
– “Тадбиркорлик ва инновациялар”;
– “Халқаро электрон тижорат”;
– “Рақамли иқтисодиёт”.
Битирувчиларга Ўзбекистонда олий маълумот тўғрисидаги ҳужжат сифатида эътироф этиладиган белгиланган намунадаги диплом берилади.
