Ўзбекистон Республикаси Президенти Шавкат Мирзиёев Карачи шаҳрида рўй берган авиаҳалокат оқибатида кўплаб инсонлар қурбон бўлгани муносабати билан Покистон Ислом Республикаси Президенти Ориф Алви ва Бош вазири Имрон Хонга таъзия мактуби йўллади. Бу ҳақида Ўзбекистон Президенти матбуот хизмати хабар бермоқда.
Давлатимиз раҳбари Покистон халқига, марҳумларнинг оила аъзолари ва яқинларига чуқур ҳамдардлик билдирди.
Эслатиб ўтамиз, Покистоннинг Карачи шаҳридаги аэропорт яқинида "Покистон халқаро авиайўли" самолёти ҳалокатга учради. Авиаҳалокат аэропортдан 4 км узоқликда содир бўлган бўлиб, турар-жой бинолари устига қулаган. Оқибатда самолётда бўлганларнинг деярли барчаси ҳалок бўлган.
