Соғлиқни сақлаш вазирлигининг хабарига кўра, мажмуада 789 нафар фуқародан таҳлил олинган. Натижада озиқ-овқат дўконида сотувчи бўлиб ишловчи фуқарода COVID-19 инфекцияси тасдиқланган.
"Айни пайтда ушбу бемор билан мулоқотда бўлган барча фуқаролар ўрнатилган тартибда қатъий карантин кузатувига олинди", — дейилади хабарда.
Шунга кўра, эпидемиологик суриштирув ишларини ўтказиш ҳамда касаллик тарқалишининг олдини олиш, санитар тозалаш ва зарарсизлантириш ишларини ўтказиш учун, мажмуа фаолияти вақтинча тўхтатилган.
Бозорда эпидемиологик суриштирув ишлари якунланиб, санитар тозалаш ва зарарсизлантириш тадбирлари амалга оширилгач, мажмуа яна ўз фаолиятини давом эттиради.
