Соғлиқни сақлаш вазирлигининг хабарига кўра, Хоразмда тузалган 3 нафар коронавирус инфекциясига чалинган бемор бутунлай соғайиб, реабилитацияга кузатилди.
Умумий ҳисобда Хоразм вилоятида COVID-19 инфекцияси қайд этилган жами 233 нафар беморнинг барчаси соғайди.
Шу муносабат билан Хоразм вилояти Бухоро, Сурхондарё, Жиззах, Қашқадарё ва Фарғона вилоятлари каби коронавирусдан ҳоли ҳудудга айланди.
Ҳозирга қадар мамлакатимиз бўйлаб коронавирус инфекциясидан бутунлай соғайганлар 2636 нафарни ташкил этмоқда.
