12 июнь куни соат 9:00 ва 9:30 оралиғида Яккасарой туманида сув таъминоти тизимида профилактика ишларини олиб бориш давомида икки нафар «Сувсоз» ходими вафот этган. Бу ҳақда Тошкент шаҳар ИИББ хабар бермоқда.
31 ёшли Х.Б. ва 32 ёшли Х.Н. алоқа қудуғига тушишган ва тахминан у ерда тўпланган заҳарли газ туфайли бўғилиб вафот этишган.
Уларни қутқаришга уринган 42 ёшли Ҳ.Р. заҳарланиш белгилари билан касалхонага ётқизилган. Ҳозирда ҳодиса сабаблари аниқлаштирилмоқда.
