27 июнь соат 10:00 ҳолатига кўра, Ўзбекистонда коронавирус инфекцияси қайд этилган кишилар сони 7490 (+63) нафарни ташкил этмоқда.
Соғлиқни сақлаш вазирлигининг хабарига кўра, касалланган кишиларнинг 17 нафари карантин марказларида аниқланган. 8 нафар фуқаро эса Тошкентда қайд этилган.
26 нафар фуқаро Сурхондарё вилоятида, 7 киши Сирдарё вилоятида ҳамда 3 киши Бухоро вилоятида аниқланган. Яна иккита ҳолат Қорақалпоғистонда қайд этилган.
Ҳозирда инфекция билан касалланган 5038 нафар фуқаро соғайган. 2433 нафар бемор даволанмоқда, уларнинг 20 нафари оғир, 8 нафари ўта оғир аҳволда.
