2 июль соат 17:00 ҳолатига кўра, Ўзбекистонда коронавирус инфекцияси қайд этилган кишилар сони 8996 (+92) нафарни ташкил этмоқда.
Соғлиқни сақлаш вазирлигининг хабарига кўра, касалланган фуқароларнинг 77 нафари Тошкент шаҳрида аниқланган: 30 нафари COVID-19 билан касалланган кишилар мулоқотда бўлиб, карантинга олинганлар ва 47 нафари аҳоли орасида.
4 нафар киши Тошкент вилоятида - барчаси аҳоли орасида, 3 нафар киши Қашқадарё вилоятида - барчаси карантинга олинган фуқаролар орасида аниқланган.
Яна саккизта ҳолат Сирдарё вилоятида қайд этилган: 6 нафар киши коронавирус билан касалланган кишилар мулоқотда бўлиб, карантинга олинган фуқаролар орасида ва 2 нафар киши аҳоли орасида.
Ҳозирда мамлакатда коронавирус билан касалланган 5847 фуқаро соғайган. 3122 нафар бемор даволанмоқда.
