WBA июнь ойи учун профессионал боксчиларнинг янги рейтингини эълон қилди.
Унга кўра, супер енгил вазнда (-63,5 кг) рингга кўтарилаётган ўзбекистонлик Шаҳрам Ғиёсов (9-0, 7 КО) бир поғона юқорилаб, Шоҳжаҳон Эргашевни (18-0, 16 КО) қувиб ўтишга муввафақ бўлди. Шоҳжаҳон Эргашев бу сафар рейтингда 7-ўриндан жой олди.
Супер ярим ўрта (-69,85 кг) вазнда Исроил Мадримов 2-ўринни сақлаб қолган бўлса, Бектемир Мелиқўзиев супер ўрта (-76,2 кг) вазнда 14-ўринда қолган. Ярим оғир вазнда (-79,4 кг) Рустам Тўлаганов 15-поғонада бормоқда.
Муроджон Аҳмадалиев иккинчи ярим енгил (-55,34 кг) вазнда WBA ва IBF йўналишлари чемпиони сифатида қайд этилган.
