8 июль куни соат 07:30да Наманган вилоятида 28 ёшли Ж.Ж. цемент юкланган Isuzu русумли машинасида кетаётганида, ҳаракат хавфсизлигини таъминлай олмай, бошқарувни йўқотган ва йўлнинг қарама-қарши томонига чиқиб кетиб, жарликка ағдарилган.
Оқибатда автомобиль ҳайдовчиси Ж.Ж. ва йўловчиси 23 ёшли Ш.Ж. тан жароҳатлари олиб, ҳодиса жойида вафот этган. Бу ҳақда ИИВ ҳузуридаги тергов департаменти хабар бермоқда.
Мазкур ҳолат юзасидан ЎзР ЖКнинг 266-моддаси 3-қисми «а» банди (одамлар ўлимига сабаб бўлган транспорт воситалари ҳаракати ёки улардан фойдаланиш хавфсизлиги қоидаларини бузиш) билан жиноят иши қўзғатилган. Ҳозирда дастлабки тергов ҳаракатлари олиб борилмоқда.
