Жорий йилнинг 16 июль куни соат 16:00 ларда, Қорақалпоғистон Республикаси, Нукус шаҳри, Ўзбекистон шоҳ кўчасида ҳайдовчи 1987 йилда туғилган А.П. маст ҳолатда «Nexia 3» русумли транспорт воситасида ҳаракатланаётиб, бошқарувни йўқотиши оқибатида ушбу кўчада жойлашган «Sergeli Avtotexxizmat» Нукус филиали биноси ёнида турган янги, сотувдаги «Trailblazer» русумли транспорт воситасига бориб урилган.
Тўқнашув натижасида ҳеч ким тан жароҳати олмаган.
Мазкур ЙТҲ юзасидан суриштирув ишлари олиб борилмоқда.
Маълумот учун, «Trailblazer» русумли транспорт воситасининг нархи UzAuto Motors компаниясининг расмий веб сайтида 398 миллион сўм миқдорида кўрсатилган.
