Жўшқин Қосимовнинг сўзларига кўра, 22 июль соат 10:00 ҳолатига уй шароитида даволанаётган кишилар сони 1706 нафарни ташкил қилмоқда.
Хусусан, Қорақалпоғистонда — 58, Aндижон вилоятида — 136, Жиззах вилоятида — 22, Навоий вилоятида — 40, Наманган вилоятида — 21, Самарқанд вилоятида — 96, Сирдарё вилоятида — 156, Сурхондарё вилоятида — 101, Қашқадарё вилоятида — 21 нафар киши.
Пойтахтда ҳамда Тошкент вилоятида эса 1050 нафар фуқаро уй шароитида даволаняпти.
«Уларнинг барчаси шифокорлар назоратида бўлиб, керакли тавсиялар бериб бориляпти. Бепул дори-дармонлар ҳамда бир марталик тиббий ниқобларни етказиб бериш йўлга қўйилган», - деган штаб аъзоси.
Аввалроқ, 5 июлдан бошлаб коронавирус касаллиги аниқланган беморларга уй шароитида даволанишлари мумкинлиги ҳақида хабар берилган эди. Уйда даволанаётган беморлар 10 кун давомида кузатувда бўлади. Тест натижаларига қараб, кузатув бекор қилинади ёки давом эттирилади.
