Бош прокуратура ҳузуридаги Департаментнинг UzNews.uz’га маълум қилишича, Андижон вилояти Шаҳрихон тумани маҳаллаларидан бирининг мансабдор шахслари давлат бюджети маблағларини талон-торож қилишган.
Маълум қилинишича, Департаментнинг Шаҳрихон туман бўлими томонидан вилоят Давлат молиявий назорат бошқармаси билан ҳамкорликда ўтказилган терговга қадар текширувда, тумандаги “Якка тут” МФЙ мансабдор шахслари томонидан кам таъминланган оилалар тоифасига кирмайдиган 51 нафар фуқароларга асоссиз равишда моддий ёрдам пуллари тўлаб берилиши оқибатида 82,2 млн. сўм бюджет маблағлари талон-торож қилганликлари аниқланган.
«Мазкур ҳолат юзасидан МФЙ мансабдор шахсларига нисбатан Жиноят кодексининг 167-моддаси 2-қисми “а,в,г” бандлари ва 209-моддаси 1-қисми билан жиноят иши қўзғатилиб, тергов ҳаракатлари ўтказилмоқда», дейилади Департамент хабарида.
