Ўзгидромет хабарига кўра, 1 август куни Тошкент вилояти ва Фарғона водийси вилоятларида қисқа муддатли ёмғир ёғиши мумкин. Мамлакатнинг қолган ҳудудида ёғингарчилик бўлмайди, ҳарорат +30...+33 даража атрофида бўлади.
2 август куни республиканинг катта қисмида об-ҳавонинг яна кам булутли ва қуруқ бўлиши кутилмоқда, фақат баъзи тоғли ва тоғолди ҳудудларда қисқа муддатли ёмғир ёғиб, момақалдироқ бўлиши мумкин.
Кейинги ҳафтада об-ҳаво ёғингарчиликсиз бўлади. Ҳарорат аста кўтарилади ва +36...+39 даражани ташкил қилади.
Кейинчалик август ҳарорати ўртача кўп йиллик қийматларга яқин бўлиши кутилмоқда. Қисқа муддатли ёмғир асосан республиканинг тоғли ва тоғолди ҳудудларида кузатилади.
Ҳарорат кечаси +17...+22, кундузи +32...+37 даража атрофида, айрим кунларда +40 даражагача бўлиши кутилмоқда. Ойнинг сўнгги ўн кунлигида кундузги ҳарорат +28...+33 даражагача пасайиши мумкин.
