Кеча, Ливан пойтахти Байрутда юз берган кучли портлаш оқибатида камида 78 нафар қурбон бўлган, 4 минг нафар одам жароҳат олган. Бу ҳақда мамлакат президенти Мишел Аун иштирокида ўтказилган фавқулодда йиғилиш пайти маълум қилинган.
Содир бўлган портлаш пойтахт атрофидаги манзилларга ҳам таъсир қилгани айтилмоқда. Портлаш сабаби бўйича якуний қарорга келинмаган. Аммо расмийлар бунга 6 йилдан бери портда сақланиб келинган 2750 тонна аммиак селитраси сабаб бўлганини таъкидлашмоқда.
Мамлакат Бош вазири Ҳасан Диаб эса ТВда чиқиш қилиб, “Бугун юз берганларни ҳисобдан чиқариб бўлмайди. Фожиа сабабчилари ҳали бунинг бадалини тўлашади” деган.
