Осиё футболи конфедерацияси кўплаб давлатларда коронавирус пандемияси давом этаётгани туфайли 2022-йилги Жаҳон Чемпионати ва 2023-йилги Осиё Кубоги учун саралаши ўйинлари кейинги йилга қолдирилганини эълон қилди.
Конфедерация ФИФА билан келишган ҳолда бундай қарорга келган.
Режага кўра, жорий йилнинг октябрь ва ноябрь ойларида саралаш ўйинлари бўлиб ўтиши лозим эди. Учрашувларнинг янги саналари ОФК томонидан тез орада эълон қилинади.
Эслатиб ўтамиз, Ўзбекистон миллий терма жамоаси ЖЧ-2022 саралаш босқичи доирасида октябрь ва ноябрь ойида Яман, Сингапур ва Саудия Арабистонига қарши ўйнаши керак эди.
“Д” гуруҳидан жой олган Вадим Абрамов шогирдлари 5 ўйинда 9 очко жамғарган ҳолда пешқадамлик қилмоқда. Бир ўйин кам ўтказган Саудия Арабистони терма жамоаси 8 очко билан 2-ўринда бормоқда.
