Беларусь ҳукумати қайта сайланган президент олдида ўз ваколатларини топширган, дея хабар бермоқда Sputnik Беларусь.
Тегишли қарор 15 август куни Бош вазир Роман Головченко томонидан имзоланган. Ҳужжат қабул қилинган кунидан эътиборан кучга киради. Қарор миллий ҳуқуқий порталда эълон қилинган.
Президент Александр Лукашенко ўша куниёқ ҳукумат ваколатлари бўйича тегишли фармонга имзо қўйган.
Энди Бош вазир, унинг ўринбосарлари, вазирлар ва давлат қўмиталари раислари Вазирлар Кенгашининг янги таркиби тузилгунига қадар ўз вазифаларини бажаришда давом этишади.
