Марказий банк томонидан “Турмуш даражаси ва инфляция” тўғрисида ахборот-таҳлилий маълумот тақдим этилди.
Таҳлиллар уй хўжаликлари даромадлари ва харажатлари бўйича сўров натижалари ҳамда ҳудудлар кесимидаги истеъмол нархлари индекси (ИНИ) маълумотлари асосида амалга оширилди.
Давлат статистика қўмитаси маълумотлари асосида 2020 йилнинг январь-июнь ойлари учун аҳоли жон бошига даромадлар ҳажми ва ҳудудий инфляция кўрсаткичлари таҳлил қилинди
Маълумотларга кўра, жорий йил I ярим йилликдаги аҳоли даромадлари ва инфляция даражаси бўйича кўрсаткичлар ҳудудлар кесимида бир биридан сезиларли фарқ қилади.
2020 йил I ярим йилликда республика бўйича аҳоли жон бошига ўртача даромад 5,2 млн. сўмни ташкил этиб, фақатгина Тошкент шаҳри, Навоий, Бухоро ва Тошкент вилоятлари аҳолисининг ўртача даромадлари ушбу ўртача кўрсаткичдан юқори бўлган. Қолган барча ҳудудларда аҳоли жон бошига ўртача даромад республика бўйича ўртача даромаддан кам бўлган.
2020 йил январь-июнь ойларида республикамизда истеъмол нархлари индекси 4,6 фоизга тенг бўлди. Ҳудудлар кесимида Тошкент шаҳри, Бухоро, Тошкент, Жиззах ва Қашқадарё вилоятларида инфляция даражаси ўртача республика инфляция даражасидан юқори бўлган юқори бўлган ҳудудларда (Тошкент шаҳри, Бухоро ва Тошкент вилоятлари) инфляция даражасининг ҳам юқори бўлиши даромадлар ошиши ва инфляция даражаси ўртасидаги ижобий боғлиқликни кўрсатади.
Уй хўжаликлари нисбатан паст даромадга эга бўлган ҳудудлар, хусусан, Қорақалпоғистон Республикаси, Наманган, Фарғона, ва Сурхондарё вилоятларидаги инфляция даражаси мамлакатдаги ўртача инфляция даражасидан пастроқ бўлиб, мазкур ҳудудларда мамлакат умумий аҳолисининг 27 фоизи истиқомат қилади.
