Ўзгидромет хабарига кўра, бугун бутун Ўзбекистон ҳудудида об-ҳаво очиқ ва иссиқ бўлади, ҳарорат +32...+37 даражани ташкил қилади.
Дам олиш кунлари республика ҳудудига хорижий жанубдан иссиқ ва қуруқ оқим кириши кучаяди.
Мамлакатнинг катта қисмида об-ҳаво кам булутли бўлади. Ҳарорат кўтарилиб, якшанба куни кундузи +37...+39 даражагача етади.
23 августда республиканинг шимолий туманларида Кавказ ҳудудидан кирадиган кам нам ҳаво ҳисобига об-ҳаво ўзгаради.
Қорақалпоғистонда ва Хоразм вилоятида булутлилик ортади, ёғингарчилик бўлмайди, фақат Оролбўйи туманларида қисқа муддатли ёмғир ёғиши мумкин.
Душанба куни Ўзбекистон ҳудудининг катта қисмида булутлилик ортади, бироқ, юқори ҳарорат фони сақланиб туради, республиканинг шимолий туманларида ҳарорат +28...+33 даражагача пасаяди.
23 август куни шимолий вилоятларда, 24 августда эса барча вилоятлар бўйича айрим жойларда шамолнинг тезлиги секундига 15-20 метргача кучайиши мумкин.
