RTHK телерадиокорпорациясининг хабарига кўра, Гонконг университети (HKU) тадқиқотчилари томонидан коронавирусни қайта юқтириб олиш бўйича дастлабки ҳолат тасдиқлангани ҳақида маълум қилинган.
Маълумотларга қараганда, 33 ёшли эркакда COVID-19га чалиниб, касалликдан тузалганидан тўрт ярим ой вақт ўтгач, яна инфекция юқтириб олиш ҳолати кузатилган. Ушбу бемор биринчи марта коронавирус инфекциясига чалинганида, унда касалликнинг енгил белгилари кузатилган, ҳозирда эса ушбу аломатлар ҳам мавжуд эмас.
Олимларнинг фикрича, такрорий инфекция эркак Испаниядан қайтганидан кейин янги вирус томонидан қўзғатилган.
Вирус геноми текширилганида коронавируснинг иккинчи штамми биринчисидан фарқли экани ва июль-август ойларида Европада тарқалган штаммга ўхшаш экани аниқланган.
