Ўзбекистон халқ артисти Дилбар Икромова бугун, 25 август куни 73 ёшида оламдан ўтди. Бу ҳақда «Халқ сўзи» хабар бермоқда.
Қайд этилишича, актриса коронавирус-пневмония хасталигидан даволанаётган эди.
Маълумот учун, Дилбар Икромова «Келинлар қўзғолони», «Чимилдиқ», «Дев билан пакана», «Девона», «Афғон», «Ойқиз эртаги» каби жуда кўплаб фильмларда бир-биридан қизиқарли бўлган турли ролларни маҳорат билан ижро этган.
Алоҳида таъкидлаш жоизки, Дилбар Икромова «Келинлар қўзғолони» фильмидаги Сотти роли билан барчанинг қалбидан чуқур жой эгаллаган.
