Жиноят ишлари бўйича Тошкент шаҳар судида фуқаро Нариман Алимджановни қасддан ўлдирганликда айбланган 24 ёшли Б.Б.га нисбатан жиноят ишини кўриб чиқиш бўйича суд жараёни ниҳоясига етди ва суд ҳукми эълон қилинди.
2020 йил 14 августдаги суд ҳукмига кўра, Б. Буркитбаев ЎзР ЖКнинг 97-моддаси (қасддан одам ўлдириш) ва бошқа моддаларида назарда тутилган жиноятларни содир этганликда айбдор деб топилди.
«Б. Буркитбаевга узил-кесил ўташ учун 18 йил муддатга озодликдан маҳрум қилиш жазоси тайинланди. Тайинланган жазони умумий тартибли колонияларда ўташ белгиланди», - дейилади олий суд хабарида.
