Бугун, 28 август куни Бухоро вилояти ҳокимлиги мажлислар залида фаоллар йиғилиши бўлиб ўтди. Бу ҳақда вилоят ҳокимлиги матбуот хизмати хабар бермоқда.
Йиғилишда Бухоро вилояти ҳокими вазифасини вақтинча бажарувчи тайинланганлиги тўғрисида президент фармони ўқиб эшиттирилган.
Ушбу лавозимни Бухоро вилояти ҳокимининг молия-иқтисодиёт ва камбағалчиликни қисқартириш масалалари бўйича биринчи ўринбосари Фарҳод Умаров эгаллаган.
Эслатиб ўтамиз, Бухоро вилояти ҳокими вазифасини вақтинча бажарувчи бўлган Карим Камалов 22 август куни вафот этган эди.
