27 август куни соат 02:30да Тошкент шаҳрининг Миробод туманида ЙТҲ содир бўлди. Бу ҳақда ИИВ ЙҲХББ ахборот хизмати хабар бермоқда.
25 ёшли Matiz ҳайдовчиси А.А. юқори тезликда ҳаракатланиб кетаётганида ухлаб қолган. Оқибатда йўлнинг қарама-қарши йўналишига чиқиб кетиб, бетон симёғочга урилган.
Натижада автомобиль ҳайдовчиси тан жароҳатлари олиб, воқеа жойида вафот этган. Йўловчи 32 ёшли М.Т. эса тан жароҳати олиб, шифохонага ётқизилган.
Мазкур ЙТҲ юзасидан Миробод тумани ИИО ФМБ ҳузуридаги ТБ томонидан дастлабки тергов ҳаракатлари олиб борилмоқда.
