Тошкент давлат юридик университети Жамоатчилик ва ОАВ билан алоқалар бўлими маълум қилишича, 2019 молиявий йилида университет даромадлари 79 миллиард 323 миллион 700 минг сўмни ташкил этган. Даромаднинг 85,4 фоизи ўқитишнинг тўлов-контракт шаклидан тушган.
Университет 72 миллиард 502 миллион 200 минг сўм харажат қилган. Ушбу маблағнинг 58 фоизи иш ҳақи, унга тенглаштирилган тўлов ва нафақалар, иш ҳақидан ажратмалар учун сарфланган.
Талабалар учун стипендия тўловларига 10 миллиард 816 миллион 500 минг сўм ажратилган.
ТДЮУ ходимларининг ўртача иш ҳақи 6 миллион 333 минг сўмни ташкил этмоқда.
