ИИВ ЙҲХББ Ахборот хизмати маълум қилишича, бугун, 2 сентябрь куни соат 05:10 ларда, Жиззах вилояти, Ғаллаорол тумани ҳудудидан ўтувчи “Оқтош-Оболум-Гулчамбар” автомобиль йўлида 1962 йилда туғилган ҳайдовчи “ИЖ” русумли мотоциклни бошқариб кетаётиб, қарама-қарши йўналишга чиқиб кетиб, қаршисидан келаётган, ҳайдовчи, 1981 йилда туғилган Ғ.М. бошқарувидаги Spark русумли транспорт воситаси билан тўқнашган.
Оқибатда, “ИЖ” русумли мотоцикл йўловчиси 52 ёшли Ж.М. оғир тан жароҳатлари олиб шифохонада вафот этган.
Ушбу ЙТҲ бўйича Ғаллаорол тумани ИИБ ТБ томонидан Ўзбекистон Республикаси Жиноят Кодексининг 266-моддаси 2-қисми (одам ўлимига олиб келган транспорт воситалари ҳаракати ёки улардан фойдаланиш хавфсизлиги қоидаларини бузиш) билан жиноят иши қўзғатилиб, ҳозирда тергов ҳаракатлари олиб борилмоқда.
