Магистратурага кириш имтиҳонлари учун рухсатномани magistr.edu.uz ва ruxsatnoma.edu.uz манзиллари орқали юклаб олиш имконияти яратилди.
Бунинг учун паспорт серияси ва рақами ҳамда туғилган санаси киритилиши лозим.
Эслатиб ўтамиз, магистратурага кириш имтиҳонлари 8-20 сентябрь кунлари бўлиб ўтади.
Имтиҳонлар белгиланган ҳудудларда, тест синови тарзида компьютерда онлайн олинади.
Тест синовларини топшириш учун 130 дақиқа (2 соат 10 минут) вақт берилади. Белгиланган вақт тугагандан кейин, тест жараёни огоҳлантиришсиз ўчади.
Бу йил республика ОТМлари магистратурасига жами 10 425 нафар талаба қабул қилиниши белгиланган. Шундан 5475 нафари грант, 4950 нафари тўлов-контракт асосида таҳсил олади.