Ўзбекистон U-23'ни Осиё ўйинларидаги илк рақиблари маълум бўлди

Японияда 2026 йилги XX ёзги Осиё ўйинлари футбол мусобақаси учун қуръа ташланди. Унга кўра, Ўзбекистон U-23 олимпия терма жамоаси «C» гуруҳидан ўрин олди. 

Ўзбекистоннинг гуруҳдаги рақиблари:

Вьетнам;
Филиппин;
Ўзбекистон;
Қувайт.

Шу тариқа, «C» гуруҳидан чиқиш учун Ўзбекистон мазкур уч жамоага қарши баҳс олиб боради.

Маълумот учун, XX ёзги Осиё ўйинларининг (Aichi–Nagoya 2026) футбол мусобақаси 2026 йил 15 сентябрдан 4 октябргача Япониянинг Нагоя, Осака ва Тойота шаҳарларида бўлиб ўтади. Эркаклар турнирида U-23 терма жамоалари, аёллар турнирида эса миллий терма жамоалар иштирок этади.