Пойтахтнинг Чилонзор туманида Қатортол кўчасининг бир қисмида уни замонавий туристик масканга айлантириш ишлари бошланди. Бу ҳақда туман ҳокимлиги матбуот хизмати хабар қилди.
Туман ҳокими Саидқаҳҳор Холхўжаев қурилиш ва таъмирлаш ишларининг бориши билан танишди. У ишларнинг сифатига, шунингдек, шаҳарсозлик меъёрлари ва янги дизайн-код талабларига риоя этилишига алоҳида эътибор қаратди.
Қайд этилишича, лойиҳани амалга оширишда маҳаллий аҳоли ва ташриф буюрувчилар учун қулай шарт-шароитлар яратиш устувор вазифа бўлади.
Эслатиб ўтамиз, ўтган йил сентябрь ойида Қатортол кўчасини туристик ҳудуд сифатида ободонлаштириш учун 10,2 миллиард сўм маблағ ажратилиши ҳақида хабар берилган эди.
Комментарии