Ялпи мажлис кун тартибига мамлакатнинг ижтимоий-иқтисодий тараққиёти, давлат бошқаруви, қурилиш, техник жиҳатдан тартибга солиш, ёнғин хавфсизлиги, фармацевтика, ижтимоий ҳимоя, рақамли технологиялар ва халқаро ҳамкорликка оид қатор масалалар киритилган.
Жумладан, сенаторлар "Тошкент халқаро молия маркази тўғрисида"ги ва "Рақамли технологиялар халқаро маркази тўғрисида"ги Конституциявий қонунлари, "Ижтимоий иш тўғрисида"ги Қонунни кўриб чиқади.
Шунингдек, болаларни ижтимоий ҳимоя қилиш, тазйиқ ва зўравонликдан жабрланганларга ижтимоий хизматлар кўрсатиш, қурилиш соҳасида давлат назорати, ёнғин хавфсизлиги, давлат фуқаролик хизмати ва фармацевтикага оид қонунлар муҳокама этилади.
Мажлисда, шунингдек, Ўзбекистоннинг халқаро рейтинг ва индекслардаги ўрнини яхшилаш бўйича миллий маъруза эшитилиши ҳамда бошқарув сервис компаниялари ва уй-жой мулкдорлари ширкатлари хизматлари юзасидан Вазирлар Маҳкамасига юборилган парламент сўрови натижалари кўриб чиқилиши режалаштирилган.
Комментарии