Ўзбекистоннинг икки фуқароси Пхукет аэропортида божхона ходимлари юкларидан 26 кг дан ортиқ каннабис маҳсулотларини аниқлагани учун қўлга олинди. Ҳодиса 1 июль куни, уларнинг Таиланддан учиб кетишидан бироз олдин содир бўлган, деб хабар бермоқда The Thaiger.
Божхона ходимлари юкларни кўздан кечириш чоғида бир нечта чамадонлардан қуритилган каннабис гуллари, каннабис смоласи ва қайта ишланган каннабис маҳсулотларини топишди. Эркаклар ушбу маҳсулотларни Таиланддан ноқонуний олиб чиқишга уринган.
Биринчи қўлга олинган шахснинг иккита чамадони кўздан кечирилганда, умумий оғирлиги 9,8 кг бўлган 30 та вакуум қадоқдаги қуритилган наша гуллари (қадоқ билан бирга), шунингдек, умумий оғирлиги 1,03 кг бўлган 14 та қайта ишланган наша плиткалари топилди.
Иккинчи қўлга олинган шахснинг юкида божхона ходимлари томонидан умумий оғирлиги 9,8 кг бўлган 30 ўрам қуритилган наша гуллари, оғирлиги 4,1 кг бўлган 8 ўрам наша смоласи, шунингдек, умумий оғирлиги 2 кг бўлган қайта ишланган наша маҳсулотлари - бир ўрам, бешта плитка ва тўққизта брикет (ўрам билан бирга) топилган.
Ҳозирда мазкур ҳолатлар юзасидан божхона текширувлари олиб борилмоқда.
Комментарии