Бугун, 26 июнь — Халқаро гиёҳванд моддаларни суиистеъмол қилиш ва уларнинг ноқонуний айланмасига қарши кураш куни муносабати билан анъанага мувофиқ мусодара қилинган гиёҳванд моддалар йўқ қилинди.
Давлат хавфсизлик хизмати (ДХХ) маълумотига кўра, жами 2 тонна 963 килограмм гиёҳванд моддалар ёқиб йўқ қилинган. Жумладан:
- 78 кг 368 г героин;
- 426 кг 351 г опий;
- 646 кг 639 г гашиш;
- 61 кг 954 г мефедрон;
- 131 кг 370 г альфа-PVP (α-PVP);
- 69 кг 255 г прегабалин ҳамда бошқа турдаги моддалар.
Эслатиб ўтамиз, ўтган йили шу кунда 2 тонна 135 кг 188 г гиёҳванд модда йўқ қилинган эди.
Комментарии