Жаҳон олтин кенгаши маълумотларига кўра, июль ойида Ўзбекистон олтин сотуви бўйича мутлақ етакчиликни қўлга киритган. Мамлакат 11,6 тоннадан ортиқ қимматбаҳо метални экспорт қилган.
Рўйхатда иккинчи ўринни Мўғулистон 6,1 тонна билан эгаллаган. Россия ва Германия ярим тоннадан олтин экспорт қилган.
Олтин сотиб олиш бўйича Туркия 19,4 тонна билан пешқадамга айланган. Қатар – 3,1 тонна, Ҳиндистон – 2,8 тонна, Қозоғистон – 1,9 тонна ва Украина – 0,3 тонна билан рўйхатдан жой олган.
Маълум қилинишича, июлда бир грамм олтин ўртача 58 АҚШ долларидан сотилган. Бугунги кунда унинг нархи $62 долларга етган.
Эслатиб ўтамиз, Давлат статистика қўмитаси 2020 йил январи – июнь ойларида Ўзбекистон 2,1 млрд. долларлик олтин экспорт қилгани, бу кўрсаткич умумий экспорт ҳажмининг 33,8 фоизини ташкил қилгани ҳақида хабар бергандик.
