Қайд этилишича, Андижон девзира оши асрлар давомида шаклланган ошпазлик анъаналари, ўзига хос тайёрланиш усули ва ноёб таъми билан ажралиб турадиган миллий таом ҳисобланади.
Мазкур ош тури асосан Фарғона водийсида етиштириладиган машҳур девзира гуручи асосида тайёрланади. Девзира гуручи қизғиш тусли, зич ва сифатли доналари билан ажралиб туриб, таомга ўзига хос таъм, хушбўйлик ҳамда дона-дона кўриниш бағишлайди.
Таъкидланишича, географик кўрсаткич мақомининг берилиши «Андижон девзира оши» номи ва уни тайёрлашнинг анъанавий технологиясини ҳуқуқий жиҳатдан ҳимоя қилиш, маҳсулотнинг ўзига хослигини сақлаб қолиш ҳамда сифат кафолатларини мустаҳкамлашга хизмат қилади.
Комментарии