Президент Шавкат Мирзиёев Кветта шаҳрида содир этилган террорчилик ҳаракати оқибатида кўплаб инсонлар ҳалок бўлгани ва жароҳат олгани муносабати билан Покистон президенти Асиф Али Зардорий ва бош вазири Шаҳбоз Шарифга ҳамдардлик йўллади.
Фожиа ўтган якшанба куни Покистон жануби-ғарбидаги Балужистон вилоятида содир бўлди. Маълум қилинишича, худкуш томонидан поезднинг портлатилиши оқибатида камида 20 киши ҳалок бўлган, 70 киши жароҳатланган.
Йўловчилар асосан Қурбон ҳайитини нишонлаш учун уйларига қайтаётган ҳарбий хизматчилар ва уларнинг оила аъзолари эди.
Давлатимиз раҳбари ҳалок бўлганларнинг оила аъзолари ва яқинларига ҳамдардлик билдириб, жароҳат олганларнинг тез фурсатда соғайиб кетишини тилади.
Комментарии