Суд ҳужжатларига кўра, 2000 йилда туғилган Й.М. 2023 йилда ишлаш мақсадида Россияга кетган. Кейинчалик у гиёҳвандлик воситалари билан боғлиқ жиноят учун жавобгарликка тортилиб, озодликдан маҳрум этилган.
Жазони ўташ давомида у моддий манфаатдорлик эвазига Россия Қуролли кучлари сафида Украинага қарши жанговар ҳаракатларда иштирок этишга рози бўлган. 2025 йил 21 август куни у бир йиллик ҳарбий шартнома тузган.
Шундан сўнг Й.М. Донецкдаги ҳарбий полигонлардан бирида тайёргарликдан ўтган. Унга ҳарбий кийим, ҳимоя нимчаси ва АК-74 автомати берилган.
Бироқ ҳарбий тайёргарлик вақтида соғлиғи ёмонлашгани сабабли госпиталга ётқизилган. Кейин у госпиталдан қочиб, Москвадаги Ўзбекистон консуллиги орқали “ватанга қайтиш” гувоҳномасини олган ва 2026 йил 27 январь куни Ўзбекистонга қайтган.
Суд Й.М.ни Жиноят кодексининг 154-моддаси 1-қисмида назарда тутилган жиноятни содир этганликда айбдор деб топди. Унга иш ҳақининг 20 фоизини давлат даромадига ушлаб қолган ҳолда 3 йил ахлоқ тузатиш ишлари жазоси тайинланди.
Комментарии