Ўзбекистонга йил бошидан буён 4 миллиондан ортиқ турист ташриф буюрди

Миллий статистика қўмитаси маълумотларига кўра, жорий йилнинг январь–апрель ойларида Ўзбекистонга туристик мақсадларда ташриф буюрган хорижий фуқаролар сони 4 048 417 нафарни ташкил этди.

Ушбу кўрсаткич ўтган йилнинг мос даврига нисбатан 930,8 минг нафарга ёки 29,9 фоизга кўпайган.

Энг кўп туристлар қуйидаги давлатлардан келган:

• Қирғизистон — 1 141 581 нафар;
• Тожикистон — 965 488 нафар;
• Қозоғистон — 935 003 нафар;
• Россия — 341 842 нафар;
• Афғонистон — 161 537 нафар;
• Хитой — 132 240 нафар;
• Туркманистон — 108 433 нафар;
• Туркия — 57 686 нафар;
• Ҳиндистон — 16 057 нафар;
• Жанубий Корея — 12 145 нафар.

Туристлар оқимининг ўсиши Ўзбекистоннинг минтақадаги муҳим сайёҳлик йўналишларидан бири сифатидаги ўрнини янада мустаҳкамламоқда.