Тошкентдан Гуанчжоуга учаётган Centrum Air самолётига чақмоқ урилди

Centrum Air авиакомпанияси қайтиш рейсининг узоқ муддатга кечикиши сабабини маълум қилди.

Аниқланишича, аввалги парвоз вақтида ҳаво кемасига чақмоқ урган.

“Компания хавфсизлик талаблари ва амалдаги авиация стандартларига мувофиқ, самолёт зудлик билан эксплуатациядан чиқарилиб, тўлиқ техник кўрик, диагностика ҳамда зарур тиклаш ишлари учун юборилди”, — дейилади авиакомпания баёнотида.

Текширув якунларига кўра, авиакомпания ушбу йўналишдаги ҳаво кемасини алмаштиришга қарор қилган.

Мажбурий кутиш даврида барча йўловчилар меҳмонхонага жойлаштирилиб, кунига уч маҳал овқат билан таъминланган.

Рейснинг маҳаллий вақт бўйича янгиланган жадвали:18 май — Гуанчжоу 20:25 — Тошкент 00:50 (+1).