Ўзбекистон Президенти Шавкат Мирзиёев Ҳиндистоннинг Уттар-Прадеш штатида кучли ёғингарчилик ва бўрон оқибатида кўплаб инсонлар ҳалок бўлгани ва жароҳат олгани муносабати билан Ҳиндистон Президенти Драупади Мурму ҳамда бош вазири Нарендра Модига таъзия мактуби йўллади.
Давлат раҳбари ҳалок бўлганларнинг оила аъзолари ва яқинларига чуқур ҳамдардлик изҳор этди.
Шунингдек, Президент жабрланганлар тез фурсатда соғайиб кетишини тилади.
Маълумот учун, Ҳиндистоннинг Уттар-Прадеш штатида кузатилган кучли ёғингарчилик ва бўрон оқибатида ўнлаб инсонлар ҳалок бўлган, яна кўплаб фуқаролар турли даражада жароҳат олган. Табиий офат оқибатларини бартараф этиш ишлари давом этмоқда.
Комментарии