Ўзбекистонда қишлоқ хўжалигидаги йирик инвестиция лойиҳалари учун ер участкаларини ажратиш тартиби соддалаштирилади.
Ҳужжатга кўра, пахтачилик ва ғаллачилик учун ер участкаларини ижарага олган субъектлар умумий майдоннинг 50 фоизи учун ижара ҳуқуқидан ихтиёрий равишда воз кечган тақдирда, янги шартлар - ҳуқуқлар, мажбуриятлар ва 49 йил муддатга ижара расмийлаштирилган ҳолда, участканинг қолган қисмига бўлган ҳуқуқни сақлаб қолади.
Бунда қуйидаги талаблар белгиланади:
• қишлоқ хўжалиги экинларини етиштириш учун тижорат банкларидан олинган кредитлар, шунингдек, солиқлар бўйича қарздорликнинг йўқлиги;
• ер участкаларини ижарага олиш ҳуқуқи тижорат банкларида таъминот сифатида гаровга қўйилмаслиги керак.
Қишлоқ хўжалигига мўлжалланган ер участкалари қиймати камида 10 млн АҚШ доллари бўлган йирик инвестиция лойиҳаларини амалга ошириш учун (энг яхши таклифни танлаб олиш орқали аниқланади) Вазирлар Маҳкамаси томонидан белгиланган тартибда (Қорақалпоғистонда - 2027 йил 31 декабрга қадар Қорақалпоғистон Вазирлар Кенгаши томонидан ҳам) маҳаллий инвесторларга тўғридан-тўғри 49 йил муддатга, ижарага олинган қишлоқ хўжалиги ерларига хизмат кўрсатиш дирекциясига эса 25 йил муддатга ижарага берилади.
2027 йилдан бошлаб шоли етиштиришда анъанавий (сочиб экиш) экиш усули бутунлай бекор қилинади - фақат лазерли текисланган майдонларга кўчат экиш, шунингдек, замонавий дон сеялкаларидан фойдаланиш жорий этилади.
Комментарии