Тошкент метросининг “Сергели” йўналишидаги 5та бекатда қурилиш ишлари тугатилди. Бу ҳақда Транспорт вазирлиги маълум қилди.
Қайд этилишича, бу йўналишнинг оралиқ масофаси 6,9 километрни ташкил этади ва Сергелининг зич жойлашган аҳолисига қулайлик яратади.
“Сергели” йўналиши “Чоштепа”, “Тошкент халқа йўли”, “Сергели”, “Афросиёб”, “Қипчоқ” бекатларидан иборат. Ҳозир қурилиш жараёнида 100 фоиз темир-бетон конструкция ишлари бажарилган. Ер ости ишлари тугатилган. 1400 дан ортиқ темир-бетон балкалар монтаж қилинган.
Айни кунларда ер усти метро линияларида темирйўл панжараларини ўрнатиш, электрлаштириш ишлари олиб борилмоқда. Юқорида таъкидлаб ўтган бекатларда қурилиш ишлари тугатилиб, айни чоғда уларда қоплама ишлари амалга оширилмоқда.
