Бугун, 14 сентябрь, соат 15:00 да Aхборот ва оммавий коммуникациялар агентлигида тест синовларининг дастлабки якунлари ва таҳлилига бағишланган Давлат тест маркази мутасаддилари иштирокида матбуот анжумани бўлиб ўтди.
Матбуот анжуманида тест синовларига 90 нафар абитуриент тана ҳарорати 37 даражадан юқори бўлганлиги сабабли далолатнома тузилиб, киритилмагани маълум қилинди.
Давлат комиссиясининг 2020 йил 19 июндаги 1-сон баёнига мувофиқ, 17 сентябрь куни тана ҳарорати 37 даражадан юқори бўлган, тест синовларига киритилмаган абитуриентлар учун Қорақалпоғистон Республикаси, вилоятлар ва Тошкент шаҳрида тайёрланган стадион ва хиёбонларда қўшимча тест синовлари ўтказилиши режалаштирилмоқда.
