Бугун кундузи Ўзбекистон ҳудудининг катта қисмида қуруқ ва илиқ об-ҳаво бўлиши кутилмоқда. Фақат Қорақалпоғистон ва Хоразм вилоятида баъзи жойларда қисқа муддатли ёмғир ёғиши, момақалдироқ бўлиши мумкин. Ҳаво ҳарорати 24-29 даража атрофида бўлади.
21-23 апрель кунлари республика бўйича баъзи жойларда қисқа муддатли ёмғир ёғади, айрим жойларда момақалдироқ билан қайд этилади. Ҳарорат 21 апрелда кундузи 24-29 даража бўлади, 22-23 апрелда аста-секин 18-23 даражагача пасаяди.
20-22 апрель кунлари республика бўйича баъзи жойларда шамол тезлиги 15-20 м/с гача кучайиши, айрим жойларда чанг-тўзонлар билан кузатилиши мумкин.
24 апрелда Ўзбекистоннинг барча ҳудудлари бўйича яна қуруқ об-ҳаво кузатилади ва ҳаво ҳарорати кўтарила бошлайди.
Тоғ олди ва тоғли ҳудудларда вақти-вақти билан ёмғир ёғади. Сел-сув тошқин ҳодисалари юзага келиши мумкин.
Тошкентда бугун кундузи ёғингарчилик кутилмайди. Эртага куннинг иккинчи ярмида қисқа муддатли ёмғир ёғиши, момақалдироқ кузатилиши мумкин. Ҳаво ҳарорати бугун ва эртага 25-28 даража атрофида бўлади.
22-23 апрель кунлари вақти-вақти билан ёмғир ёғади, момақалдироқ кузатилади. Кундузги ҳарорат 22 апрелда 24-26 даража, 23 апрелда 20-22 даража бўлади.
24 апрелда ёғингарчилик кутилмайди. Ҳарорат кундузи 25-27 даража бўлади.
Шамол шарқдан бироздан ўртача тезликкача эсади, 21-22 апрелда 12-14 м/с гача кучайиши мумкин.
Комментарии