Жорий йил 1 апрелдан бошлаб махсус автоматлаштирилган фото ва видео қайд этиш тизимлари томонидан қайд этилган йўл ҳаракати қоидабузарликлари учун жарима баллари ҳисобланади.
Эслатиб ўтамиз, йўл ҳаракати қоидаларини бузганлик учун жарима балларини ҳисоблаш тизими ўтган йилнинг 1 июнидан ишга туширилган эди. Шу пайтгача жарима баллари фақат ДЙҲХХ ходимлари томонидан расмийлаштирилган маъмурий баённомалар бўйича қабул қилинган қарорлар асосида ҳисобланар эди.
Йўл ҳаракати қоидаларини бузганлик учун жарима баллари E-jarimaball модули орқали автоматик равишда ҳисобланади. Ҳайдовчиларга жарима балларини ҳисоблаш муддати биринчи қоидабузарлик содир этилган кундан бошланади ва кейинги календарь йилнинг шу санасигача давом этади. Агар ушбу даврда ҳисобланган жарима баллари 12 баллга етмаса, улар кейинги даврга ўтказилмайди ва бекор қилинади.
Комментарии