Самарқанд вилояти Ички ишлар бошқармаси, Ахборот технологиялари соҳасидаги жиноятларга қарши кураш бошқармаси ходимлари томонидан ўтказилган тезкор-техник тадбирлар давомида Самарқанд шаҳрида яшовчи 1984 йилда туғилган шахс назорат қилинмайдиган даромад олиш ва ноқонуний йўл билан бойлик орттириш мақсадида электр тармоқларидан ноқонуний фойдаланиб келаётганлиги аниқланган.
Аниқланишича, ушбу шахс Самарқанд шаҳри Мирзо Улуғбек кўчасида жойлашган хонадоннинг ертўла қисмида шаҳар электр тармоқларига ноқонуний равишда уланиб, шартнома тузмасдан майнинг фермаси ташкил этган.
У беш дона майнинг қурилмаси орқали ноқонуний равишда фаолият юритиб келган.
Текширувлар давомида мазкур қонунбузарлик натижасида электр тармоқлари корхонасига 2 миллиард сўм миқдорида зарар етказилганлиги маълум бўлди.
Мазкур ҳолат юзасидан Ўзбекистон Республикаси Жиноят кодексининг 169-моддаси, тўртинчи қисми билан жиноят иши қўзғатилиб, тергов ҳаракатлари олиб борилмоқда.
Комментарии