Тошкент шаҳар ИИББ Йўл ҳаракати хавфсизлиги бошқармасининг мониторинг гуруҳи орқали ижтимоий тармоқларнинг Instagram платформаси ўрганилганда, ушбу шахс ўзининг Instagram саҳифасига юқори тезликда ҳаракатланганлиги ва Mercedes-Benz автомашинасига мигалка ўрнатганлик ҳолати акс этган видеони жойлаганлиги аниқланди.
Ҳолат юзасидан ҳайдовчига нисбатан нисбатан МЖтКдаги тегишли моддалари билан маъмурий баённома расмийлаштирилиб, автомашинаси вақтинча сақлаш учун жарима майдончасига қўйилди.
"Мен 2026 йил 8 март кунидан 9 март кунига ўтар кечаси, яъни Сергели янги йўлида Mercedes-Benz автомобилига “мигалка” қўйиб, юқори тезликда ҳаракатландим. Яъни ўша ҳаракат давомида бошқа ҳаракат иштирокчиларига халақит бериб қўйган бўлсам, минг бор узр сўрайман. Ҳозир мана бизларни шу сабабли, шу ишимиз бўйича чақиртиришди. Қонун ҳаммага баробар, биз қилган ишимиздан пушаймонмиз. Ижтимоий тармоқларга чиқиб кетибди бу видеомиз. Бошқаларга тавсия этмайман бунақа қилишлигини," - деди қоидабузар ҳайдовчи.
Комментарии